Ahmad Faraz poetry

Total POST :8
Info

Ahmed Faraz was a Pakistani Urdu poet Born: 12 January 1931, Kohat Died: 25 August 2008, Islamabad


You have characters left.
So Jao Humary Dil Ky AT :2017-09-20 11:02:02

So Jao Humary Dil Ky Os Kony Main
Faraz
Jahan Hum Apni Sanson Ko Bi Jany Ki Ajazat Nhi Daity..

Ab Ke Bichre To Shay AT :2017-09-20 11:04:31

Ab Ke Bichre To Shayad Kabhi Khwabon Mein Milein
Jis Tarah Sukhe Hoye Phol Kitabon Mai Milain

Dhond Ujre Hoye Logo Mai Wafa K Moti
Ye Khzane Tuje Mumkin Hai Khrabon Mai Milain

Gham-e Dunya Bi Gham-e Yar Mai Shamal Kar Lo
Nisha Barhta Hai Shrabain Jo Shrabon Mai Milain

Tu Khuda Hai Na Mera Ishq Farishton Jesa
Dono Insan Hain Tu Kun Itne Hijabon Mai Milain

Aaj Ham Dar Par Khenche Gye Jin Baton Par
Ajab Kal Wo Zmane Ke Nisabon Mai Milain..

Agarche zor hawaaon AT :2017-09-20 11:05:52

Agarche zor hawaaon ne daal rakha hai,
Magar charaagh ne lau ko sambhaal rakha hai,

Mohabton main to milna hai ya ujad jaana,
Mizaaj-e-ishq main kab etidaal rakha hai,

Bhale dinon ka bharosa hi kya rahen na rahe,
So maine rishta-e-gham ko bahaal rakha hai,

Bhari bahaar main ik shaakh pr khilaa hai gulaab,
Ke jaise tu ne hatheli pe gaal rakha hai,

Faraz ishq ki duniya to khuubsurat thi,
Yeh kis ne fitna e hijr o visaal rakha hai..

Aese chup hain ke ye AT :2017-09-20 11:08:26

Aese chup hain ke yeh manzil bhi karri ho jese,
Tera milna bhi judaayi ki gharri ho jese,

Apne hi saaye se har gaam larazz jaata hoon,
Raaste main koi deewaar kharri ho jese,

Kitne nadaan hain tere bhoolne wale ke tujhe,
Yaad karne ke liye umr parri ho jese,

Tere maathe ki shikkan pehle bhi dekhi thi magar,
Yeh giraah ab ke mere dil main parri ho jese,

Manzilen door bhi hain manzilen nazdeek bhi hain,
Apne hi paaon main zanjeer parri ho jese,

Aaj dil khol ke roye hain to yuun khush hain Faraz,
Chand lamhon ki yeh raahat bhi barri ho jese..

aankh se duur na ho AT :2017-09-20 11:10:26

aankh se duur na ho dil se utar jaayegaa
vaqt kaa kyaa hai guzarataa hai guzar jaayegaa

itanaa maanuus na ho Khilvat-e-Gam se apanii
tuu kabhii Khud ko bhii dekhegaa to dar jaayegaa

tum sar-e-raah-e-vafaa dekhate rah jaaoge
aur wo baam-e-rafaaqat se utar jaayegaa

zindagii terii ataa hai to ye jaanevaalaa
terii baKhshiish terii dahaliiz pe dhar jaayegaa

duubate duubate kashtii to ochhaalaa de don
main nahiin koii to saahil pe utar jaayegaa

zabt laazim hai magar dukh hai qayaamat kaa
Faraz
zaalim ab ke bhii na royegaa to mar jaayegaa...

Show more
X

Mobile Number

wait sms loading..
X